Azərbaycan Mərkəzi Bankı 2025-ci ilədək iqtisadi artımın sürətlənəcəyini gözləyir

Azərbaycan Mərkəzi Bankı 2023-cü ildə ümumi daxili məhsulun (ÜDM) 1,5 %, 2024-cü ildə 3,5 %, 2025-ci ildə isə 4 % artacağını proqnozlaşdırır.

"Report" xəbər verir ki, bunu Azərbaycan Mərkəzi Bankının sədri (AMB) Taleh Kazımov keçirdiyi mətbuat konfransında bildirib.

"O cümlədən qeyri-neft ÜDM-nin 2023-cü ildə 3 %, 2024-cü ildə 6 %, 2025-ci ildə 5,5 % artacağı gözlənilir", - deyə o qeyd edib.

Xatırladaq ki, bu ilin yanvar-sentyabr aylarında Azərbaycanda 90 milyard 812,5 milyon manatlıq və yaxud ötən ilin eyni dövrü ilə müqayisədə 0,8 % çox ÜDM istehsal olunub. Son 1 ildə iqtisadiyyatın neft-qaz sektorunda əlavə dəyər 1,5 % azalıb, qeyri neft-qaz sektorunda isə 3 % artıb.