Azərbaycan I rübdə xalis maliyyə öhdəliklərini 2 milyard dollar artırıb

Bu ilin I rübündə Azərbaycanın xalis maliyyə öhdəlikləri 1 milyard 995 milyon ABŞ dolları artıb.

"Report" Azərbaycan Mərkəzi Bankına istinadən xəbər verir ki, bu ötən ilin eyni dövrü ilə müqayisədə 44,2 dəfə çoxdur.

Rüblük artım ölkəyə cəlb olunmuş birbaşa investisiyaların 1 milyard 720,1 milyon ABŞ dolları artması (13,2 % çox), cəlb olunmuş investisiyaların repatriasiyasının 1 milyard 654,3 milyon ABŞ dolları azalması (5,9 % az), neft bonusunun 0,4 milyon ABŞ dolları artması (1 125,5 dəfə az), portfel investisiyalarının 2 milyard 13,3 milyon ABŞ dolları azalması (428,4 dəfə çox), digər investisiyaların isə 47,9 milyon ABŞ dolları azalması (5,2 dəfə az) hesabına təmin edilib.