"Azərbaycan Beynəlxalq Bankı"nın səhmdarlarının sayı azalıb

"Azərbaycan Beynəlxalq Bankı" ASC-nin (ABB) səhmdarlarının sayı 0,2% azalaraq 1 763 olub.

"Report" bu barədə Bankın yarım illik idarəetmə hesabatına istinadən xəbər verir.

Sənədə əsasən, bu ilin I yarısında ABB-nin səhmdarı olan fiziki şəxslərin sayı 0,2% azalaraq 1 750-dən 1 746-ya düşüb, hüquqi şəxslərin sayı isə 6,3% artaraq 16-dan 17-yə çatıb.

Xatırladaq ki, ABB 1992-ci ildə yaradılıb. Bankın səhmdarları Maliyyə Nazirliyi, İqtisadiyyat Nazirliyi yanında Əmlak Məsələləri Dövlət Xidməti, “Aqrarkredit” QSC bank olmayan kredit təşkilatı (BOKT), digər hüquqi və fiziki şəxslərdir.