Azərbaycan banklarının xalis xarici aktivləri artıb, daxili aktivləri azalıb

Bu il oktyabrın 1-nə Azərbaycan banklarının xalis xarici aktivləri 25 milyard 492,5 milyon manat təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 0,5 %, ilin əvvəlinə nisbətən 1,1 %, 2023-cü ilin oktyabrın 1-i ilə müqayisədə isə 23,6 % çoxdur.

Hesabat dövründə bankların xalis daxili aktivləri isə 20 milyard 094 milyon manat təşkil edib ki, bu da aylıq müqayisədə 2,3 % çox, ilin əvvəlinə nisbətən 1,2 % çox, illik müqayisədə isə 6,1 % azdır.

Azərbaycanda 22 bank fəaliyyət göstərir. Bu il oktyabrın 1-nə bank sektorunun aktivləri 50 milyard 840,8 milyon manat təşkil edib.