ARDNF-in investisiya portfelində uzunmüddətli alətlərin payı 20 %-ə çatıb

Bu il iyulun 1-nə Azərbaycan Dövlət Neft Fondunun (ARDNF) investisiya portfelində 5 ildən çox müddətə yerləşdirilən istiqrazlar və digər pul bazarı alətlərinin payı 19,8 % təşkil edib ki, bu da ötən ilin I yarısının yekunu ilə müqayisədə 2,9 faiz bəndi çoxdur.

"Report" bu barədə Fonda istinadən xəbər verir.

İyunun sonuna ARDNF-in investisiya qoyduğu istiqrazlar və digər pul bazarı alətlərinin 30,4 %-i 1 ilə qədər müddətə yerləşdirilib. Bu isə 1 il əvvələ nisbətən 6,3 faiz bəndi azdır.

Hesabat tarixinə Fondun investisiya qoyduğu istiqrazlar və digər pul bazarı alətlərinin 32,2 %-i 1 ildən 3 ilə qədər (7,3 faiz bəndi çox), 17,6 %-i isə 3 ildən 5 ilə qədər (3,9 faiz bəndi az) müddətə yerləşdirilib.