AMB ölkədə inflyasiyanın artıran və azaldan amilləri açıqlayıb

Hazırda Azərbaycanda inflyasiyanı artıran amil xarici ticarət tərəfdaşımız olan ölkələrdəki bahalaşma, inflyasiyanı azaldan amil isə manatın nominal effektiv məzənnəsinin artmasıdır.

"Report" xəbər verir ki, bunu Azərbaycan Mərkəzi Bankının sədri Taleh Kazımov keçirdiyi brifinqdə bildirib.

O, rəhbərlik etdiyi qurumun illik inflyasiya proqnozuna düzəliş etdiyini xatırladıb: "Bu il üçün inflyasiya proqnuzunu 0,3 faiz bəndi azaldaraq 5,1 %, gələn il üçün isə inflyasiya proqnozunu 0,3 faiz bəndi artıraraq 5,8 %-ə çatdırmışıq".