"Xilasedici"nin voleybolçusu: "İnanıram ki, çempion olacağıq"

İnanıram ki, çempion olacağıq.

“Report” xəbər verir ki, “Xilasedici”nin voleybolçusu Vadim Kutukov Azərbaycan Voleybol Federasiyasının mətbuat xidmətinə açıqlamasında deyib.

Hücumçu Azərbaycan Yüksək Liqasının XII turunda MOİK-lə keçirdikləri matçla bağlı təəssüratını bölüşüb və çempionluğa inandığını bildirib:

“İlk növbədə komandamızı təbrik etmək istəyirəm. Maraqlı və gərgin oyun oldu. MOİK-i də təbrik etmək istərdim, inkişaf var və bu sevindirici haldır. Pley-off mərhələsinə hazırlaşırıq. İnanıram ki, çempion olacağıq”.

Qeyd edək ki, MOİK - “Xilasedici” matçı ikincilərin 3:0 (25:10, 25:19, 25:11) hesablı qələbəsi ilə yekunlaşıb.