Voleybol üzrə Azərbaycan çempionatının oyunu hakimlərə görə təxirə salınıb

Kişi voleybolçular arasında Azərbaycan Yüksək Liqasında "Xarı bülbül" və MOİK komandaları arasında keçirilməli olan VII tur oyunu təxirə salınıb.

Federasiyadan "Report"a verilən məlumata görə, buna hakimlərin oyuna çıxmaqdan imtina etməsi səbəb olub.

Turun açılış matçında isə "Murov" "Neftçi" ilə qarşılaşıb. Görüş birincilərin inamlı qələbəsi ilə başa çatıb - 3:0 (25:20, 25:19, 25:22).

Qeyd edək ki, turnir cədvəli 17 xalla "Murov" başçılıq edir. 9 xala malik "Xarı bülbül" ikinci, eyni xalı olan "Neftçi" üçüncü yerdə qərarlaşıb. MOİK isə 1 xalla sonuncudur.