Azərbaycanda futzal üzrə “transfer pəncərəsi” açıq elan edilib

Bakı. 3 yanvar. REPORT.AZ/ Bu gün futzal üzrə Azərbaycanın Yüksək, Birinci və İkinci liqalarında “transfer pəncərəsi” açıq elan edilib.

“Report” Azərbaycan Futzal Federasiyasının rəsmi saytına istinadən xəbər verir ki, komandalar yanvarın 31-nə qədər yeni transferlərini qeydiyyatdan keçirə bilərlər.

Qeyd edək ki, futbol üzrə Azərbaycan Premyer Liqasında “transfer pəncərəsi” 12 yanvar - 8 fevral 2019-cu il tarixlərini əhatə edəcək.