Kanada klubunun oyunçusuna xərçəng diaqnozu qoyulub

Kanadanın “Vankuver Kenaks” hokkey klubunun hücumçusu Dakota Coşuaya xərçəng diaqnozu qoyulub.

"Report" xəbər verir ki, bu barədə Milli Hokkey Liqasının (NHL) mətbuat xidməti məlumat yayıb.

Hokkeyçi xərçəng xəstəliyinə yaxalandığını yayda bilib. O, komandasının 2024/2025 mövsümündən öncəki təlim-məşq toplanışını buraxacaq.

Artıq əməliyyat olunan hokkeyçi həkimlərin şişi uğurla çıxara bildiklərini açıqlayıb. O, ən qısa zamanda məşqlərə qayıtmaq və qarşıdakı mövsümdə oynamaq niyyətində olduğunu da bildirib.

Qeyd edək ki, D.Coşua NHL-də ötən mövsüm meydana çıxdığı 63 oyunda 18 qola, 14 məhsuldar ötürməyə imza atıb. 28 yaşlı oyunçu iyunda klubu ilə 4 illik yeni müqavilə imzalayıb. O, müqaviləyə əsasən ildə 13 milyon dollar qazanacaq.