FİBA 14 ölkəni Avropa çempionatından kənarlaşdırıb

Bakı. 16 aprel. REPORT.AZ/ Beynəlxalq Basketbol Federasiyaları Assosiasiyası (FİBA) 14 ölkəni 2017-ci il Avropa çempionatından kənarlaşdırıb. "Report"un məlumatına görə, bunlar Rusiya, Serbiya, Xorvatiya, Sloveniya, Bosniya və Herseqovina, Monteneqro, İspaniya, Türkiyə, Litva, Yunanıstan, İtaliya, İsrail, Makedoniya və Polşadır.

Səbəb kimi həmin ölkələrin klublarının Avropa Basketbol Liqaları Birliyinin (ULEB) keçirdiyi Avroliqa və Avropa Kuboku turnirlərində iştirakları göstərilib. FİBA onların öz bayrağı altında keçirilən Çempionlar Liqasına qatılmalarını istəyir.

Qərara əsasən, bu ölkələr 2016-cı il Rio-de-Janeyro Yay Olimpiya Oyunlarından da kənarda qalacaq.