Bakı. 23 sentyabr. REPORT.AZ/ Bu gün voleybolçu qadınlar arasında Avropa çempionatında növbəti oyunlar keçiriləcək.
"Report"un məlumatına görə, A qrupunda yer alan Azərbaycan və Almaniya milli komandaları istirahət edəcəklər. Əvəzində bu qrupda II turun Polşa - Macarıstan görüşü baş tutacaq.
Qarşılaşma Milli Gimnastika Arenasında oynanılacaq. İlk turda Polşa Almaniyanı 3:2 hesabı ilə məğlub edibsə, Macarıstan Azərbaycana uduzub - 0:3.
Bu arenada ilk görüş C qrupunda Bolqarıstan və Ukrayna milliləri arasında olacaq. Günün son oyununda isə Türkiyə və Rusiya milliləri üz-üzə gələcək. "Ay-ulduzlular"la Bolqarıstan çempionatda ilk matça çıxacaqlar. Rusiya isə ilk turda Ukraynanı çətinliklə məğlub edib - 3:1.
Göygöl Olimpiya Kompleksində D qrupunun II tur qarşılaşmaları oynanılacaq. Əvvəlcə Çexiya Belçikanı, ardından Serbiya Hollandiyanı sınağa çəkəcək. İlk turda Serbiya Çexiyaya 3:0, Hollandiya Belçikaya 3:1 hesabı ilə qalib gəlib.
Nəhayət, Gürcüstanın paytaxtı Tbilisidə təşkil olunan B qrupunda da II turun oyunları keçiriləcək. Gürcüstan Xorvatiyanı, İtaliya Belarusu sınağa çəkəcək. İlk turda İtaliya Gürcüstana 3:0, Belarus Xorvatiyaya 3:2 hesabı ilə qalib gəlib.
Avropa çempionatı, II tur
23 sentyabr
A qrupu
18:00. Polşa - Macarıstan
Milli Gimnastika Arenası
Xal durumu: Azərbaycan - 3, Polşa - 2, Almaniya - 1, Macarıstan - 0.
B qrupu
18:00. Gürcüstan - Xorvatiya
21:00. İtaliya - Belarus
Tbilisi, Yeni İdman Sarayı
Xal durumu: İtaliya - 3, Belarus - 2, Xorvatiya - 1, Gürcüstan - 0.
C qrupu
15:30. Bolqarıstan - Ukrayna
20:30. Türkiyə - Rusiya
Milli Gimnastika Arenası
Xal durumu: Rusiya - 2, Ukrayna - 1, Bolqarıstan - 0, Türkiyə - 0
D qrupu
17:00. Çexiya - Belçika
20:00. Serbiya - Hollandiya
Göygöl Olimpiya Kompleksi