Yuxarı

Bu gün voleybol üzrə Azərbaycan çempionatı start götürür

Mövsümün gedişində çempionata yeni komanda qoşula bilər

Bakı. 1 noyabr. REPORT.AZ/ Bu gün voleybolçu qadınlar arasında Azərbaycan Super Liqasına start veriləcək. "Report"un məlumatına görə, 2014-2015-ci il mövsümündə hələlik 5 komandanın iştirakı dəqiqləşib. 

Bunlar "Rabitə", "Azəryol", "Lokomotiv", "Azərreyl" və "Telekom" klublarıdır. "İqtisadçı"nın fəaliyyətini dayandırmasından sonra 6-cı komanda qismində çempionata yeni yaradılan "Turan"ın da qoşulacağı gözlənilir. Amma yeni klub ilk turda meydana çıxmayacaq. Bu məsələyə Azərbaycan Voleybol Federasiyasında baxıldıqdan sonra debütantın çempionata qoşulub-qoşulmamasına dair qərar qəbul olunacaq.

Beləliklə, ilk turda 2 görüş keçiriləcək. Bu gün saat 17:00-da "Rabitə" və "Azərreyl" komandaları üz-üzə gələcəklər. Görüş Gənclik Olimpiya Kompleksində baş tutacaq. Noyabrın 2-də saat 18:00-da isə "Azəryol" və "Lokomotiv" arasında görüş olacaq. Matç "Azəryol" İdman Kompleksində baş tutacaq.

Qeyd edək ki, komandaların sayı tək olduğundan, ilk turda "Telekom" istirahət edəcək.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi