Azərbaycan milli komandasının voleybolçusu "Fənərbağça" ilə müqavilə bağlayıb

Bakı. 24 may. REPORT.AZ/ Azərbaycan millisinin və Yaponiyanın "Toyota" klubunun qadın voleybolçusu Polina Rəhimova karyerasını Türkiyənin "Fənərbağça" komandasında davam etdirəcək. 

"Report"un İstanbul təmsilçisinin rəsmi saytına istinadən verdiyi məlumata görə, 27 yaşlı oyunçu ilə 1 illik müqavilə bağlanılıb.

O, 2017-2018 mövsümündə "sarı-lacivərdlilər"in formasını geyinəcək.

"Fənərbağça" vaxtilə Bakı "Lokomotiv"ində də çıxış etmiş Karli Lloydu da heyətinə qatıb. ABŞ millisinin 28 yaşlı voleybolçu 2 illik anlaşmaya imza atıb.

Qeyd edək ki, Polina Rəhimova Özbəkistanın Fərqanə şəhərində dünyaya gəlib. O, Azərbaycanın "Nəqliyyatçı", "Azərreyl" klublarında da çıxış edib və dəfələrlə ən faydalı oyunçu seçilib.