Azərbaycan Basketbol Liqası: "Naxçıvan" "Neftçi"ni məğlub edib

Azərbaycan Basketbol Liqasında 2024/2025 mövsümünün açılış turunda "Naxçıvan" "Neftçi"ni məğlub edib.

"Report" xəbər verir ki, qarşılaşma Naxçıvan təmsilçisinin 84:79 hesablı qələbəsi ilə başa çatıb.

A qrupunda yer alan komandaların görüşü Bakı İdman Sarayında baş tutub.

Qeyd edək ki, I tura oktyabrın 20-də yekun vurulacaq. Azərbaycan Basketbol Liqasında 12 komanda mübarizə aparır.