Avropa Kuboku: Azərbaycan yığması ilk oyunda qələbə qazanıb

Qadınlardan ibarət 3X3 basketbol üzrə Azərbaycan millisi Kosovonun paytaxtı Priştinada keçirilən Avropa Kubokunun təsnifat mərhələsində ilk oyununa çıxıb.

"Report"un məlumatına görə, yığma Malta seçməsi ilə üz-üzə gəlib.

Komandamız rəqibini 17:14 hesabı ilə üstələyib.

Qeyd edək ki, yığma daha əvvəl Paris-2024 Yay Olimpiya Oyunlarına lisenziya əldə edib.