TRACECA-nın Azərbaycan hissəsində yük daşımaları 30 % artıb

Ötən ilin yanvar-noyabr aylarında Avropa-Qafqaz-Asiya nəqliyyat dəhlizinin (TRACECA) Azərbaycan hissəsində daşınmış yüklərin həcmi 46 milyon 968,5 min ton, yük dövriyyəsi isə 11 milyard 590,9 milyon ton/km olub.

“Report” xəbər verir ki, bu barədə Dövlət Statistika Komitəsi məlumat yayıb.

Bildirilir ki, bunlar, 2021-ci ilin eyni dövrü ilə müqayisədə müvafiq olaraq 29,03 % və 33,6 % çoxdur.

11 ay ərzində yüklərin 25 milyon 451,5 min tonu və yaxud 54,2 %-i avtomobil nəqliyyatı, 15 milyon 388,9 min tonu və ya 32,8 %-i dəmir yolu nəqliyyatı, 6 milyon 128,1 min tonu və yaxud 13 %-i dəniz nəqliyyatı ilə daşınıb.

Dəhliz vasitəsilə daşınmış yüklərin 26,8 %-ni və yaxud 12 milyon 583,8 min tonunu tranzit yüklər təşkil edib.