Santiaqo Qarsia Mila: "Azərbaycanın "hab"a çevriləcəyinə şübhəm yoxdur"

Bakı. 9 may. REPORT.AZ/ "Azərbaycan logistika layihələrini həyata keçirməklə böyük işlər görür".

Bunu "Report"a açıqlamasında Beynəlxalq Limanlar Assosiasiyasının prezidenti Santiaqo Qarsia Mila deyib.

Onun sözlərinə görə, Azərbaycanın beynəlxalq "hab" rolunu oynamağa ehtiyacı var: "Bu, gələcək üçün vacib məsələlərdən biridir. Azərbaycan şərqlə qərbi birləşdirə bilən çox əlverişli mövqedə yerləşir. Geopolitik mövqe Azərbaycan üçün yeni imkanlar açır. Mənim buranın "hab"a çeviriləcəyinə dair şübhəm yoxdur".