Dünya Bankı: "İqlim dəyişikliyi Azərbaycanda su resurslarına təsir göstərir"

"Qida təhlükəsizliyi istiqamətində xarici bazarlara çıxış, eyni zamanda iqlim dəyişikliklərini nəzərə alan yeni texnologiyaların tətbiqi çox vacib məqamdır".

"Report" xəbər verir ki, bunu Dünya Bankının ölkə üzrə meneceri Sara Maykl Kənd Təsərrüfatı Nazirliyinin təşkil etdiyi Azərbaycanda özəl baytarlığın tətbiqinə həsr edilmiş tədbirdə çıxışı zamanı deyib.

Onun sözlərinə görə, iqlim dəyişikliyi Azərbaycan ərazilərinə təsir göstərir: "İqlim dəyişikliyi Azərbaycanda su resurslarına təsir edir. Getikcə fərqli yerlərdə yağış kütlələri yaranır. Dünya Bankı olaraq bunu görürük. Biz dünya miqyasında əlaqədər layihələrlə işləyirik. Hökumətlərə aqrar sahənin inkişafı ilə bağlı köməklik göstəririk".