Cəlilabadın 44 yaşayış məntəqəsində işıq olmayacaq

Cəlilabadın 44 yaşayış məntəqəsində sentyabrın 4-də işıq olmayacaq.

"Report"un Muğan bürosunun məlumatına görə, buna səbəb yararsız naqillərin yenilənməsidir.

Həmin gün saat 10:00-dan 13:00-dək Cəlilabad rayonunun 44 yaşayış məntəqəsi üzrə 8 033 abonentin (Kövüzbulaq, Zəhmətabad, Edişə Musalı, Ləkin, Əsədli, Şatırlı, Badamağac, Buravar, Qarakazımlı, Dələli, Moranlı, Sarxanlı, Zərbəli, Mikayıllı, Qarğılı, Təklə, Abazallı, Babalı, Boyxanlı, Məlikqasımlı, Məşədilər, Dostallı, Novruzallı, Şötüklü, Yusifli, Cəngan, Ağusəm, Çinar, Fərəcullalı, Ləzran, Soltankənd, Tahirli, Cəlayir, Lallar, Mirzəli, Xanəgah, Çəmənli, Pərdi, Türkelli, Şorbaçı, Mədətli, Məmmədrzalı və Şükürlü kəndləri) elektrik enerjisi ilə təchizatında fasilə yaranacaq.