Biləsuvarda 3 %-dən çox iqtisadi artım olub

Bu ilin I yarısında Biləsuvar rayonunda fəaliyyət göstərən müəssisə, təşkilat və fərdi sahibkarlar 241,3 milyon manatlıq məhsul istehsal edib.

“Report”un Muğan bürosu xəbər verir ki, bu, ötən ilin eyni dövrü ilə müqayisədə 3,2 % çoxdur.

Məhsulun 47,1 %-i kənd təsərrüfatı, meşə təsərrüfatı və balıqçılıq, 24,8 %-i ticarət; nəqliyyat vasitələrinin təmiri, 22 %-i sənaye, 4,5 %-i tikinti, 1,3 %-i nəqliyyat və anbar təsərrüfatı, 0,3 % informasiya və rabitə sahələrində istehsal olunub.