Bakıda parkın suvarılması üçün subartezian quyuları qazılıb

Bakının Nərimanov rayonunda parkın suvarılması üçün 4 subartezian quyusu qazılıb.

"Report" Azərbaycan Dövlət Su Ehtiyatları Agentliyinə istinadən xəbər verir ki, bunu Nərimanov Rayon İcra Hakimiyyətində keçirilmiş görüşdə Azərbaycan Şəhər Bələdiyyələrinin Milli Assosiasiyasının sədri Təmraz Tağıyev bildirib.

O, sudan qənaətlə istifadə ilə bağlı rəhbərlik etdiyi Nərimanov bələdiyyəsinin də işlər apardığını, bələdiyyəyə məxsus 7 hektarlıq parkın suvarılmasında artıq içməli sudan istifadə edilmədiyini, parkın suvarılması üçün 4 ədəd subartezian quyusu qazıldığını, daha 3 quyunun qazılmasının nəzərdə tutulduğunu qeyd edib.