Bakıda daha bir ünvanda tikinti şirkəti qanunsuz parklanma yeri təşkil edib

Bakının Nizami rayonunun Tofiq Abbasov küçəsində "Orbita" Mənzil-Tikinti Kooperativi piyada səkisini zəbt edərək qanunsuz parklanma yeri təşkil edib.

“Report” xəbər verir ki, bunu Bakı Nəqliyyat Agentliyinin mətbuat katibi Mais Ağayev bildirib.

Onun sözlərinə görə, nəticədə piyadaların rahat hərəkəti üçün ciddi maneələr yaranıb, təhlükəsizlik səviyyəsi aşağı düşüb. Məsələ nəzarətə götürülüb və müvafiq hüquqi tədbirlər görülür.