Azərbaycan Çinin Nəqliyyat Nazirliyinin Pekində təşkil etdiyi Qlobal Dayanıqlı Nəqliyyat Forumunda iştirak edib.
“Report” xəbər verir ki, bunu rəqəmsal inkişaf və nəqliyyat naziri Rəşad Nəbiyev "X" sosial şəbəkəsindəki hesabında bildirib.
"Ölkəmizdə nəqliyyat sektorunda həyata keçirilən layihələr və bu sahənin rəqəmsallaşdırılması üzrə görülən işlər haqqında forum iştirakçılarına məlumat verdik. Azərbaycanın strateji infrastruktura sərmayə qoymaqla Orta Dəhlizin inkişafında və beynəlxalq iqtisadi əməkdaşlığın təşviqində də mühüm rol oynadığını diqqətə çatdırdıq", - deyə o qeyd edib.