Azərbaycan dəmir yolu ilə yükdaşımaları 21 %-ə yaxın artırıb

Bu ilin yanvar-avqust aylarında Azərbaycanda dəmir yolu nəqliyyatı ilə 2 milyard 461 milyon 578 min ABŞ dolları dəyərində 5 milyon 108 min 573 ton həcmində yük daşınıb.

“Report” xəbər verir ki, bu, 2022-ci ilin müvafiq dövrünə nisbətən 1,05 % və 20,8 % artıb.

Azərbaycanın dəmir yolu nəqliyyatı ilə yük ixracı 798 milyon 271 min ABŞ dolları dəyərində 2 milyon 107 min 431 ton, yük idxalı isə 1 milyard 663 milyon 306 min ABŞ dolları dəyərində 3 milyon tondan çox olub. Bu, keçən ilin eyni dövrü ilə müqayisədə ixrac müvafiq olaraq 17,8 % və 24,8 %, idxal isə 0,4 % və 18,2 % artıb.