Aİ Azərbaycanda hava proqnozunun hazırlanması işinin təkmilləşdirilməsinə dəstək verəcək

Avropa İttifaqı (Aİ) yaxın 2-3 ayda Ekologiya və Təbii Sərvətlər Nazirliyinin Hidrometeorologiya Elmi Tədqiqat İnstitutu ilə birgə yeni tvininq layihəsi icra edəcək.

Bunu “Report”a açıqlamasında Aİ-nin Azərbaycandakı nümayəndəliyinin layihə meneceri Rainer Freund deyib.

Onun sözlərinə görə, layihənin məqsədi iqlim dəyişikliklərinin proqnozlaşdırılması qabiliyyətini təkmilləşdirməkdir.

"Bu cür layihələrin büdcəsi 500 min avrodan 1 milyon avroya qədər dəyişir. Azərbaycan tərəfi razılığını bildirdikdən sonra layihənin icrasına başlanılacaq", - deyə Aİ rəsmisi qeyd edib.