Daniel Kreyq Cəngavər Ordeni ilə təltif edilib

Britaniyalı aktyor Deniel Kreyq çərşənbə axşamı Müqəddəs Mixail və Corc ordeni ilə təltif edilib. Kreyq Ceyms Bond obrazına görə bu mükafatla təltif olunub.

“Report” xəbər verir ki, bu barədə “Sky News” telekanalı məlumat yayıb.

Çərşənbə axşamı şahzadə Anna 54 yaşlı aktyorun boynuna Cəngavər Ordeni olan lent taxıb.

Mükafatlandırma mərasimi London yaxınlığındakı Vindzor qəsrində keçirilib. Kreyq Cəngavər Ordenini kinematoqrafiyaya və teatra verdiyi töhfəyə görə alıb.