Bakıda Pol Nadarın ilk sərgisi keçiriləcək

Dekabrın 18-dən fevral ayının 15-dək Milli İncəsənət Muzeyində ilk dəfə Fransanın görkəmli fotoqrafı Pol Nadarın (1856-1939) sərgisi keçiriləcək.

“Report” xəbər verir ki, sərgidə təqdim ediləcək onlarla fotoşəkil Fransa Mədəniyyət Nazirliyi nəzdində fəaliyyət göstərən Memarlıq və İrs Multimedia Kitabxanasının arxivində saxlanılan orijinal neqativlərindən son dövrdə çıxarılıb.

Fotoşəkillər sərgi çərçivəsində üç hissəyə bölünüb: “Dahilərin portretləri”, “Bakı”, “Türküstana səyahət”.

Sənətkarın 1890-cı ildə çəkdiyi şəkillərdəki bəzi yerlər indi də aydındır, bəziləri isə artıq seçilmir.