Yeni Zelandiyada rəqəmsal valyuta buraxıla bilər

Yeni Zelandiya Mərkəzi Bankı bəyan edib ki, nağd pulun istifadəsi ilə bağlı mövcud vəziyyət və yeni meyllər artıq rəqəmsaı valyuta buraxmağı gündəmə gətirib. 

“Report” bu barədə “Bloomberg” agentliyinə istinadən xəbər verir. 

Məlumata görə, nəzərdə tutulan rəqəmsal valyuta Yeni Zelandiya dollarını dəstəkləyərək onu müxtəlif nasazlıqlara qarşı dayanıqlı edəcək, məlumatların məxfiliyini təmin edəcək.

Rəqəmsal valyuta ilə bağlı dekabrın 6-na qədər ictimai müzakirələr aparılacaq, gələn il aprel ayının sonuna qədər isə tədbirlər planı dərc olunacaq.

Bundan əvvəl İspaniya, İsrail, Argentina, Çili, Nigeriya, Keniya, Cənubi Afrika, Avstraliya, Sinqapur, Malayziya da rəqəmli valyuta buraxmaq niyyətini ifadə ediblər.