“Threads” sosial şəbəkə istifadəçilərinin sayı iki dəfədən çox azalıb

“Meta”nın yeni “Threads” sosial şəbəkəsi istifadəçilərinin yarıdan çoxunu itirib, indi onların sayı 50 milyondan azdır.

"Report" xəbər verir ki, bu barədə BBC məlumat yayıb.

Qeyd olunur ki, “Meta” şirkətinin rəhbəri Mark Zukerberq işçilərlə telefon danışığında əvvəlcə sosial şəbəkədə 100 milyondan çox insanın qeydiyyatdan keçdiyini, lakin onların yarıdan çoxunun sosial platformanı tərk etdiyini bildirib.

O, bu vəziyyəti "normal" kimi qiymətləndirib və əlavə edib ki, sosial şəbəkəyə yeni funksiyalar əlavə olunanda istifadəçilərin sayının artacağını gözləyir - məhz onların olmamasına görə istifadəçilər tətbiqi tənqid ediblər.