Nazir: "Azərbaycanda əhalinin dövlət qurumları ilə əlaqələrinin 35 %-i rəqəmsallaşıb"

Azərbaycanda əhalinin dövlət qurumları ilə qarşılıqlı əlaqələrinin 35 %-i rəqəmsallaşıb.

"Report" xəbər verir ki, bunu rəqəmsal inkişaf və nəqliyyat naziri Rəşad Nəbiyev "PAŞA Holdinq" MMC-nin təşkilatçılığı ilə Bakıda keçirilən "INMerge" İnnovasiya Sammitində bildirib.

O bildirib ki, rəqəmsal transformasiya istiqamətində səylər davam etdirilir: "Biz dövlət qurumları ilə əhali arasındakı münasibətlərdə rol oynayan dörd əsas sahəni tam rəqəmsallaşdırmışıq. Bu, əhalinin hökumətlə qarşılıqlı əlaqələrinin 35 %-ni əhatə edir. Yəni vətəndaşların dövlət qurumlarına getməli olduğu həyat hadisələri indi rəqəmsal mühitə köçürülüb. Bu, vaxta qənaət baxımından da çox mühümdür".