ETX: "Qeyri-kritik infrastrukturlarda kibertəhlükəsizlik normaları olmalıdır"

Qeyri-kritik infrastrukturlarda müəyyən kibertəhlükəsizlik normaları formalaşmalıdır.

"Report" xəbər verir ki, bunu Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin (ETX) rəisi Samir Rəsulov bildirib.

"Vətəndaşların fərdi məlumatlarını qorumaq vacibdir. Ölkədə bununla bağlı qanun var, amma yeni qanunun layihəsi hazrılanır. Ümid edirəm ki, ilin sonuna qədər yeni qanun qəbul edilmək üçün Milli Məclisə təqdim ediləcək. Texnologiya inkişaf edir və bu inkişafla ayaqlaşan qanunvericilik olmalıdır. Bir qənun qəbul edilibsə, bu da o demək deyil ki, 10 il həmin qanuna istinadən qərar verilməlidir. Yeni və müasir tələblərə cavab verən qanun olmalıdır", - deyə o qeyd edib.