Azərbaycanda daha iki İT şirkətinə güzəştli kredit verilib

İKT

13 oktyabr, 2014
08:14

Azərbaycanda daha iki İT şirkətinə güzəştli kredit verilib

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 13 oktyabr. REPORT.AZ/ Azərbaycan Rabitə və Yüksək Texnologiyalar Nazirliyi yanında İnformasiya Texnologiyalarının İnkişafı Dövlət Fondu (İTDF) tərəfindən müvəkkil banklar vasitəsi ilə daha iki şirkətə güzəştli kredit təqdim olunub.

Nazirlikdən "Report"a verilən məlumata görə, İTDF xətti ilə “GoldenPay” və “Enginet” şirkətlərinə kreditlər ayrılıb.

Belə ki, “GoldenPay” şirkətinə onlayn ödəniş sisteminin inkişafı üçün “Paşa Bank” ASC tərəfindən 400 min manat həcmində güzəştli kredit verilib. “Enginet” şirkətinə isə "Bank Respublika" tərəfindən internet xidmətlərinin təşkili və müasir texnologiyaların tətbiqi ilə şəbəkənin genişləndirilməsi üçün 500 min manat həcmində güzəştli kredit ayrılıb.