Azərbaycandakı internet trafikində botların payı bir ayda 70 % artıb

Bu ilin mart ayında Azərbaycandakı internet trafikinin 72,35 %-i insanların payına düşüb.

"Report"un "Statcounter" agentliyinin son hesabatına istinadən verdiyi məlumata görə, bu, fevral ayına nisbətən 11,41 faiz bəndi və ya 13,6 % azdır.

Hesabat dövründə botların bazar payı 11,01 faiz bəndi və ya 70 % artaraq 27,65 % təşkil edib.

Martda qlobal internet trafikinin 77,38 %-i insanların, 22,62 %-i isə botların payına düşüb.