Azərbaycanda planşetlərdə “ChatGPT”nin payı 100 %-ə çatıb

Bu ilin iyul ayında Azərbaycanda bütün platformalarda (kompüter, mobil cihazlar və planşetlərdə) süni intellekt (AI) “chatbot”u olan “ChatGPT”nin bazar payı 96,1 % təşkil edib.

“Report”un “Statcounter” agentliyinin iyul hesabatına istinadən verdiyi məlumata görə, bu, iyun ayına nisbətən 0,11 faiz bəndi azdır.

İkinci pillədəki “Microsoft Copilot”un bazar payı 1,7 % olub. Bu, əvvəlki ayın göstəricisindən 0,69 faiz bəndi azdır.

Növbəti yerdə qərarlaşan “Google Gemini”nin bazar payı ay ərzində 0,30 faiz bəndi artaraq 1,07 % təşkil edib.

Dördüncü yerdəki “Perplexity”nin bazar payı iyulda 0,19 faiz bəndi artaraq 0,68 % olub.

İlk beşliyi 0,45 %-lik bazar payı ilə “Claude” qapayır. Onun payı iyun ayı ilə müqayisədə 0,31 faiz bəndi artıb. Beləliklə onun bazar payı əvvəlki aya nisbətən iyulda 3 dəfə artıb.

Müxtəlif platformaların bazar payına görə süni intellekt (AI) “chatbot”larının ilk beşliyi aşağıdakı kimidir:

Kompüterlərdə:

“ChatGPT” – 95,56 % (iyuna nisbətən 0,75 faiz bəndi az);

“Microsoft Copilot” – 1,96 % (0,45 faiz bəndi az);

“Google Gemini” – 1,24 % (0,44 faiz bəndi çox);

“Perplexity” – 0,78 % (0,46 faiz bəndi çox);

“Claude” – 0,46 % (0,30 faiz bəndi çox).

Mobil cihazlarda:

“ChatGPT” – 99,57 % (3,59 faiz bəndi çox);

“Claude” – 0,43 % (reytinqə ötən ay daxil edilib).

Planşetlərdə:

“ChatGPT” – 100 % (50 faiz bəndi çox).