Azərbaycanda informasiya və rabitə xidmətlərinin ümumi dəyəri 15 % artıb

Bu ilin yanvar-sentyabr aylarında Azərbaycanda informasiya və rabitə müəssisələri 2 milyard 258,5 milyon manatlıq xidmət göstərib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 14,7 % çoxdur.

9 aylıq xidmətlərin 75 %-i əhali sektoruna aid olub. Əldə edilən gəlirin 38 %-i və yaxud 859,2 milyon manatı mobil telefon rabitəsi sahəsində formalaşıb.