Azərbaycanda informasiya və rabitə xidmətlərinin ümumi dəyəri 14 %-dən çox artıb

Bu ilin yanvar-avqust aylarında Azərbaycanda informasiya və rabitə müəssisələri 1 milyard 976,5 milyon manatlıq xidmət göstərib.

“Report” Dövlət Statistika Komitəsinə istinadən xəbər verir ki, bu, 2022-ci ilin eyni dövrü ilə müqayisədə 14,3 % çoxdur.

8 aylıq xidmətlərin 76,1 %-i əhali sektoruna aid olub, 38,3 %-i və yaxud 757,4 milyon manatı mobil telefon rabitəsi sahəsində formalaşıb.