Azərbaycanın olimpiya çempionu karyerasında dördüncü dəfə çəki dərəcəsini dəyişəcək

Azərbaycanın olimpiya çempionu karyerasında dördüncü dəfə çəki dərəcəsini dəyişəcək Firdovsi Umudov: "Onun əvvəlki çəkidə çıxış etməsi çətin məsələdir"
Fərdi
24 Fevral , 2017 15:39
Azərbaycanın olimpiya çempionu karyerasında dördüncü dəfə çəki dərəcəsini dəyişəcək

Bakı. 24 fevral. REPORT.AZ/ 2016-cı il Rio-de-Janeyro Yay Olimpiya Oyunlarında gümüş medal qazanmış Azərbaycan sərbəst güləşçisi Toğrul Əsgərov gələcək yarışlarda 65 kq çəki dərəcəsində çıxış etməyəcək. 

“Report”un məlumatına görə, bu barədə sərbəst güləş üzrə Azərbaycan yığma komandasının baş məşqçisi Firdovsi Umudov məlumat verib.

O bildirib ki, 25 yaşlı hazırda zədəlidir və əməliyyat olunacaq: “Toğurulun boyun nayihəsindən ağır zədəsi var. O, əməliyyat olunacaq. Sonra bərpa prosesi gəlir. Belə olan halda onun əvvəlki kimi 65 kq çəki dərəcəsində çıxış etməsi çətin məsələdir. Toğrul çəki dərəcəsin dəyişəcək”.

Qeyd edək ki, Toğrul Əsgərov karyerası ərzində dördüncü dəfə çəki dərəcəsini dəyişməli olacaq. O, 2010-cu il dünya çempionatının gümüş medalı 55 kq çəki dərəcəsində əldə edib. 2012-ci il Avropa çempionatı və London Yay Olimpiya Oyunlarında Əsgərov 60 kq çəki dərəcəsində olimpiya çempionu olub. O, "Bakı 2015" I Avropa Oyunlarında qızıl və 2016-cı il Rio-de-Janeyro Yay Olimpiya Oyunlarında gümüş medalı isə 65 kq çəki dərəcəsində qazanıb.

Son xəbərlər

Orphus sistemi