Yuxarı
    Bağlamaq

    Dağıstandakı terror aktı ilə bağlı Azərbaycan gömrükçülərinin iş rejimi dəyişməyib

    Gömrükçülər normal rejimdə işləyir

    Bakı. 15 fevral. REPORT.AZ/ Dağıstanın Dərbənd rayonunda baş verən terror aktına baxmayaraq, Azərbaycan gömrükçüləri normal rejimdə işləyir. Bu barədə "Report"a Dövlət Gömrük Komitəsindən məlumat verilib.

    "Həmin hadisə bizim işimizə heç bir təsir etməyib və biz normal rejimdə işləyirik", - deyə komitədən deyiblər.

    Qeyd edək ki, Dağıstanın cənubunda, Dərbənd rayonunda Yol Patrul Xidməti postu yaxınlığında baş vermiş partlayış nəticəsində üç nəfər ölüb, beş nəfər yaralanıb.

    Partlayış Dərbənd rayonunda YPX-nin Cəmikənd postu yaxınlığında sənədlərin yoxlanılması üçün posta avtomobil yaxınlaşarkən baş verib. Terror aktı ilə əlaqədar Rusiya-Azərbaycan avtomobil yolu bağlanıb, hadisənin baş verdiyi Dövlət Yol Polisi İdarəsinin ətrafı mühasirəyə alınıb, həmin yolda avtomobillərin hərəkətinə hələlik icazə verilmir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi