Bu il Azərbaycanda 1 000 km-dən çox kənd yolu bərpa ediləcək

Bakı. 22 fevral. REPORT.AZ/ "Azərbaycan Avtomobil Yolları Dövlət Agentliyi bu il ölkənin regionlarında 1 000 km-dən çox kənd yolunu bərpa etməyi planlaşdırır".

Bu barədə “Report”a qurumun İdarə Heyətinin sədri Saleh Məmmədov bildirib.

“Bununla yanaşı, bu il Bakının kənd və qəsəbələrini birləşdirən yolların bərpası ilə bağlı 13 layihəmiz var. 2019-cu ildə paytaxtda həmçinin yeni yeraltı və yerüstü keçidlər tikiləcək”, - o deyib.