Yuxarı
    Bağlamaq

    Tarzən Həmid Vəkilovun yaradıcılq gecəsi keçiriləcək

    Konsert proqramı yanvarın 15-də Filarmoniyada baş tutacaq

    Bakı. 7 yanvar. REPORT.AZ/ Müslüm Maqomayev adına Azərbaycan Dövlət Filarmoniyasında tanınmış tarzən, Azərbaycan Milli Konservatoriyasının dosenti, sənətşünaslıq üzrə fəlsəfə doktoru Həmid Vəkilovun yaradıcılıq gecəsi keçiriləcək.

    Filarmoniyadan "Report"a verilən məlumata görə, yaradıcılıq gecəsi yanvarın 15-də baş tutacaq. 

    Konsertdə Üzeyir Hacıbəyli adına Azərbaycan Dövlət Simfonik Orkestri, dirijor Fuad İbrahimovun rəhbərliyi ilə çıxış edəcək.

    Yaradıcılıq gecəsində əməkdar artistlər Sahib Paşazadə (tar), Anar Şuşalı( vokal) musiqiçilər Pərviz Əlikramoğlu (tütək), Aslan Məhərrəmov (tar), Şəhriyar İmanov (tar), Samirə Cəlilova (tar) və başqları səhnəyə çıxacaq.

    Qeyd edək ki, Həmid Vəkilov 1949-cu ildə Bakının Binəqədi kəndində müəllim ailəsində anadan olub. O, erkən yaşlarından musiqiyə maraq göstərib. Əhsən Dadaşov, Sərvər İbrahimov, Rəhilə Kərimova kimi ustad tarzənlərdən tar sənətinin incəliklərini, klassik musiqi xəzinəsindən olan əsərləri, eləcə də ulu muğam sənətinin nümunələrini həvəslə öyrənib və bu günə qədər yaradıcılığında tətbiq etməklə məşğuldur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi