Yuxarı
    Bağlamaq

    "Qan yaddaşımız" sənədli filmi 6 dilə tərcümə olunacaq

    Kinorejissor kino sahəsində yeni işlər görmək haqqında planlar qurur

    Bakı. 6 yanvar. REPORT.AZ/ Əbdül Mahmudbəyov 2015-ci ildə kinorejissor kimi fəaliyyətini davam etdirməyi düşünür. Bu barədə "Report"a açıqlamasında kinorejissor özü məlumat verib.

    Uzun illərdir maliyyə çətinlikləri ucbatından bədii film çəkə bilmədiyini deyən Şeyx Əbdül bu il kino sahəsində yeni işlər görmək haqqında planlar qurur.

    "Uzun illərdir bədii film çəkə bilmirəm. Bunun çoxlu səbələri var. Bədii filmlərin boşluğunu sənədli filmlərlə doldurmağa çalışıram. Bir neçə il əvvəl "Qan yaddaşımız" adlı sənədli film çəkmişdim. Filmin xronometrajı bir saatdır. Bu il həmin filmi serial şəklinə salıb, 6 dilə tərcümə etdirmək istəyirəm. Belə olsa, bu film vasitəsilə tariximiz, soykökümüz, mədəni abidələrimiz hər kəsə, o cümlədən dünyada yaşayan xalqlara açıq çatdırılar. Hələlik filmin maliyyə məsələlərini öz üzərinə götürəcək qurum tapılmır. "Qan yaddaşımız" sənədli filmini 6 dilə tərcümə etmək və serial şəklində ekranlara gətirmək üçün 65 min manat vəsait lazımdır. Bu vəsait tapılsa, filmi ərsəyə gətirmək olacaq", - o deyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi