Yuxarı
    Bağlamaq

    İstiqlal Muzeyində "Həyatın və ölümün dərsləri" adlı tədbir keçirilib

    Bakı-90 filminin nümayişi olub

    Bakı.16 yanvar. REPORT.AZ Yanvarın 16-da Azərbaycan İstiqlal Muzeyində 20 Yanvar faciəsinin 25-ci ildönümünə həsr edilən "Həyatın və ölümün dərsləri" adlı tədbir-sərgi təşkil olunub.

    "Report" xəbər verir ki, sərgidə muzeyin fonduna daxil olmuş yeni eksponatlar - 20 Yanvar faciəsi şəhidlərinin şəxsi əşyaları nümayiş edilib.

    Tədbirdə Azərbaycan İstiqlal Muzeyinin direktoru Fəridə Şəmsi, 20 Yanvar faciəsinin şəhidləri Ülvi Bünyadzadənin bibisi Almaz Binnətova, Ələsgər Qaibovun qohumu Salman Murğuzlu çıxış edib.

    ADMİU-nin dosenti, əməkdar artist Mahirə Yaqubovanın rejissorluğu ilə hazırlanan kompoziya tələbələrin ifasında təqdim edildi. Əməkdar artist Ağalar Bayramov 20 Yanvara həsr edilən şeirlər səsləndirib, xanəndə Teyyub Aslanov muğam parçaları ifa edib.

    Tədbirin sonunda rejissor Ziya Şıxlinskinin "Bakı-90" adlı sənədli filmi nümayiş olunub.

    Qeyd edək ki, ötən il olduğu kimi, bu il də Milli Qvardiyanın əsgərləri və Sərhəd Qoşunlarının şəxsi heyəti tədbirə qatılıblar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi