"Google" şirkəti 500 min istifadəçi məlumatının sızdığını təsdiq edib

Bakı. 9 oktyabr. REPORT.AZ/ "Google" şirkəti proqramın işində yaranmış problem nəticəsində "Google+" sosial şəbəkəsinin təqribən 500 min istifadəçisinin şəxsi məlumatının aşkara çıxdığını təsdiq edib.

“Report”un xəbərinə görə, təhlil göstərir ki, 438 proqram bu şəxsi məlumatlardan istifadə edə bilər.

Söhbət "açıq" kimi qeyd edilməyən istifadəçi məlumatlarından gedir. Bura əlavə istifadəçi profili məlumatları daxildir: ad, elektron poçt ünvanı, peşə, cinsiyyət və yaş.