Yuxarı

Pakistanın Hərbi Dəniz Qüvvələrinin komandanının Azərbaycana səfəri başlayır

Səfər zamanı Məhəmməd Zakaullah bir sıra görüşlər keçirəcək

Bakı. 13 yanvar. REPORT.AZ/ Pakistan Hərbi Dəniz Qüvvələrinin komandanı, admiral Məhəmməd Zakaullah yanvarın 14-də Azərbaycana səfərə gələcək.

Bu barədə "Report"a diplomatik mənbələrdən məlumat verilib.

Səfəri zamanı M.Zakaullah Azərbaycanın müdafiə naziri general-polkovnik Zakir Həsənov, müdafiə sənayesi naziri Yavər Camalov, Hərbi Dəniz Qüvvələrinin komandanı və digər rəsmilərlə görüşəcək.

Müzakirələr zamanı iki ölkənin HDQ arasında əməkdaşlıq, qarşılıqlı olaraq Azərbaycan və Pakistanın hərbi məktəblərinə kursantların göndərilməsi, hərbi təhsil sahəsində əməkdaşlıqla bağlı məsələlər müzakirə olunacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi