Azərbaycanda Rusiya helikopterləri üçün servis mərkəzi açılıb

Bakı. 27 sentyabr. REPORT.AZ/ Bu gündən Azərbaycanın "Silk Way Helicopter Services" və Rusiyanın “Russia Helicopters” holdinqinin birgə yaratdıqları servis mərkəzi işə salınıb.

“Report” RİA "Novosti”yə istinadən xəbər verir ki, bu barədə Rusiya şirkətinin satış sonrası servis üzrə baş direktorunun müavini İqor Çeçikov bildirib.

O deyib ki, indi ilk olaraq "Mi-8AMT" tipli helikopter təmir olunub: “Biz planlı əsasla çalışırıq. Bu il iyun ayında “Silk Way”lə birgə olaraq onlara məxsus bir helikopteri təmir etmişik, indi də ikincisinin təmiri gündəmdədir. Yəni mərhələli şəkildə istehsal gücümüz və təmir ehtiyatlarımız artırılır”.

İ.Çeçikov həmçinin işçi heyətinə təlim keçirildiyini, yeni avadanlığın gətiriləcəyinə də vurğulayıb.