DSX ANAMA əməkdaşlarına medallar təqdim edib

Dövlət Sərhəd Xidməti (DSX) Zəngilan və Qubadlı rayonları ərazisində sərhəd müdafiə və mühafizə bölmələrinin xidməti ərazisinin mina və partlamamış döyüş sursatlarından təmizlənməsi işlərində fəal iştirak etdiklərinə görə Minatəmizləmə Agentliyinin (ANAMA) bir qrup əməkdaşına “Hərbi əməkdaşlıq sahəsində xidmətlərə görə” medallar təqdim edib.

Bu barədə "Report"a DSX-dən məlumat verilib.

Bildirilib ki, DSX və ANAMA arasında faydalı əməkdaşlıq bundan sonra da yüksək səviyyədə davam edəcək.