​Zaqatalanın Kəpənəkçi kəndində yanğın hadisəsi baş verib

Bakı. 15 mart. REPORT.AZ/ Ötən gün Zaqatalanın Kəpənəkçi kəndində yanğın baş verib.

“Report” xəbər verir ki, hadisə nəticəsində vətəndaşa məxsus ümumi sahəsi 176 kv.m olan talvarın yanar konstruksiyaları və altına yığılmış 3 ton ot bağlaması yanıb.

Talvarın qalan hissəsi və yaxınlıqdakı tikililər yanğından mühafizə olunub. Yanğın saat 19:07-də yanğınsöndürənlər tərəfindən söndürülüb.