Yevlaxda yol qəzası nəticəsində sərnişin xəsarət alıb

Yevlax. 22 avqust. REPORT.AZ/ Yevlax şəhərində bir nəfərin xəsarət alması ilə nəticələnən yol-nəqliyyat hadisəsi baş verib.

"Report"un Qərb bürosunun məlumatına görə, "VAZ-2106" markalı avtomobilin "Nissan"la toqquşması nəticəsində sərnişinlərdən biri, 1994-cü il təvəllüdlü Samir Musayev müxtəlif bədən xəsarətləri alıb.

Xəstəxanaya yerləşdirilən S.Musayevin vəziyyətinin orta-ağır olduğu bildirilir.

Faktla bağlı araşdırma aparılır.