Yevlaxda təkəri partlayan avtomobil aşaraq piyadanı vurub

Yevlax. 31 oktyabr. REPORT.AZ/ Yevlax rayonunda ağır yol-nəqliyyat hadisəsi baş verib.

"Report"un Qərb bürosunun məlumatına görə, hadisə rayonun Aşağı Salamabad kəndində qeydə alınıb. 

Belə ki, "VAZ-21014" markalı avtomobil hərəkətdə olan zaman şini partlayıb. Nəticədə sürücü idarəetməni itirərək avtomobili aşıraraq yol kənarında dayanan piyada,1960-cı il təvəllüdlü Elşən Vaqif oğlu İsrafilovu vurub. Müxtəlif dərəcəli bədən xəsarətləri alan piyada xəstəxanaya yerləşdirilib. Onun vəziyyətinin orta-ağır olduğu bildirilir.

Faktla bağlı araşdırma aparılır.